විද්‍යාඥයන් පුදුම වෙන පෙරභවයේ අඟහරු ගැන කියන තරුණයා..!

පෙර ආත්මයේ තමා අඟහරු හෙවත් රතු ග්‍රහයාගේ ජීවියකු ලෙස ජීවත් වුණැයි විද්‍යාඥයන් මවිතයට පත් කරමින්, අපූරු පුනරුප්පත්තිය කතාවක් හෙළි කරන 20 හැවිරිදි තරුණයකු ගැන රුසියාවෙන් වාර්තා වේ.

බොරිස්කා කිප්රියැනොවිච් නමැති මෙම තරුණයා ඔහුගේ පෙර ආත්මය ගැන පවසන විස්තර සැබැවින්ම විශ්මය බව මවිතයට පත් වුණු විද්‍යාඥයෝ කියති.

ඉපදී සති කිහිපයක් ගත වෙද්දී, බොරිස්කා තනිව වාඩි වීමටත් ඉන් පසු ඇවිදීමට සහ කතා කිරීමට පටන් ගත් බව ඔහුගේ මව සහ පියා පමණක් නොව වෛද්‍යවරු ද කියති. බොරිස්කාගේ මව ද වෛද්‍යවරියකි.

කුඩා කළ සිටම බොරිස්කා ට තාරකා විද්‍යාව ගැනත් ග්‍රහලෝක ගැනත් විශේෂයෙන් අඟහරු ග්‍රහයා ගැනත් හොඳ දැනුමක් තිබුණු බව ඔහුගේ ගුරුවරු පවා කියති.

තමා අඟහරු වැසියකු බවත් යුද ගැටුම් හේතුවෙන් තමා මියගිය බවත් බොරිස්කා වැඩි දුරටත් කියා සිටී.

අඟහරු ජීවීන් මිනිසුන්ට සමාන වුවත්, අසාමාන්‍ය ලෙස උසින් වැඩි යැයි බොරිස්කා පැහැදිලි කරයි. ඔවුන් සැවොම අඩි 7 ට වඩා උසින් වැඩි බව ද ඔහු කියයි. පෙර ආත්මයේ තමා එම ජීවියකු වුණැයි බොරිස්කා පෙන්වා දෙයි.

අඟහරු ලොවේ න්‍යෂ්ටික යුද්ධ හටගෙන ඇත. අද පවතින තත්ත්වයට අඟහරු ලෝකය නිසරු මෙන්ම වියලි තැනක් බවට පත් වී ඇත්තේ එම න්‍යෂ්ටික යුද ගැටුම් හේතුවෙන් යැයි ද බොරිස්කා පැහැදිලි කර තිබේ.

න්‍යෂ්ටික යුද්ධයෙන් දිවි ගලවා ගත් අඟහරු ජීවීන් අතලොස්සක් අඟහරු අභ්‍යන්තරයේ නගරවල ජීවත් වන බවත් බොරිස්කා වැඩි දුරටත් කියා සිටී.

අඟහරු ජීවීන් පෘථිවිය සමඟ අතීතයේ සබඳකම් පවත්වා ඇති බවත්, ආදී මිනිසාට දියුණුවීමට සහාය ලබා දුන් බවත් බොරිස්කා කියයි. ඊජිප්තුවේ පිරමීඩ නිර්මාණයේ දී පවා මිසර වැසියන්ට සහාය ලැබී ඇත්තේ අඟහරු ජීවීන්ගෙනි. මිසර වැසියන් දෙවියන් ලෙස සළකා ඇත්තේ ද මෙම අඟහරු ජීවීන් යැයි බොරිස්කා වැඩි දුරටත් කියා සිටී.

(ඬේලිමේල් ඇසුරිනි)

Facebook Comments

more recommended stories

%d bloggers like this: