සනත්,ලැබ්රෝයි 99න් බේරෙයි – ඇෆ්ගනිස්ථානයේ ක්‍රීඩාංගණයක් අසළ බෝම්බ පිපිරීමක්..! (PHOTO)

ඇෆ්ගනිස්ථානයේ කාබුල් නුවර ක්‍රිකට් ක්‍රීඩාංගණයක් අසළදී මරාගෙන මැරෙන බෝම්බකරුවකු විසින් බෝම්බයක් පුපුරවාගැනීම නිසා පොලිස් නිලධාරියෙක්ද සමගින් පුද්ගලයන් තිදෙනෙකු ජීවිතක්ෂයට පත්ව පස්දෙනෙක් තුවාල ලැබූහ. ශ්‍රී ලංකා කණ්ඩායමේ හිටපු නායකයකු මෙන්ම තේරීම් කමිටුවේ හිටපු සභාපති සනත් ජයසූරිය මහතාද ඊයේ(13 වැනිදා) පෙරවරුවේ සිටියේත් කාබුල්හි අන්තර්ජාතික ක්‍රිකට් ක්‍රීඩාංගණයේය.

බෝම්බ පිපිරීම වන විට සිය කාර්යය අවසන් වී තිබූ හෙයින් නැවතත් සියරට එමින් සිටි ජයසූරිය මහතා අනතුරකින් තොරව අද රාත්‍රියේ ඩුබායිහි අන්තර්ජාතික ගුවන්තොටුපොළ වෙත ළඟාව සිටියේය. මේ දිනවල ඇෆ්ගනිස්ථානයේ පැවැත්වෙන ප්‍රීමියර් ලීග් තරගාවලියේ කාබුල් ඊගල්ස් කණ්ඩායමේ අනුශාසක වරයා ලෙස කටයුතු කිරීම සඳහා ජයසූරිය මහතා එහි ගොස් තිබූ අතර ඔහුගේ කොන්ත්‍රාත් කාලය දින තුනකි.

පිපිරීම සිදුවන විට පැවැත්වෙමින් තිබූ ‘බූස්ට් ඩිෆෙන්ඩර්ස්’ සහ ‘මිස් අයිනාක් නයිට්ස්’ තරගයේ තීරකවරයා ලෙසින් කටයුතු කළේද ශ්‍රී ලංකා ටෙස්ට් පිලේ හිටපු වේග පන්දු යවන්නකු වූ ග්‍රැහැම් ලැබ්රෝයි මහතාය. ඉකුත් සඳුදා ආරම්භ වූ මෙම විස්සයි-20 තරගාවලිය සඳහා විදේශීය ක්‍රීඩකයෝ කිහිප දෙනෙක්ද ක්‍රීඩා කරති. Shpageeza Cricket League නමින් පැවැත්වූ එම තරඟාවලියෙන් පසුව සනත් ජයසූරිය හා මහරුෆ් අද (14) අළුයම දිවයිනට පැමිණ ඇති අතර බෝම්බය පුපුරායන අවස්ථාවේ ඔවුන් වාසනාවකට මෙන් එහි සිට නැහැ. කෙසේ නමුත් අශාන් ප්‍රියංජන තවමත් තරඟාවලිය සඳහා සහභාගී වෙමින් සිටින අතර බෝම්බය පුපුරායාමෙන් ඔහුට කිසිදු අනතුරක් සිදුව නැහැ.

මරාගෙන මැරෙන බෝම්බකරු ක්‍රීඩාංගණය වෙත යමින් සිටියදී එහි ආරක්ෂකයන් ඔහුව පරික්ෂාවට ලක් කිරීම සඳහා ආරක්ෂක මුර පොළක් අසල නතර කළ අවස්ථාවේදී බෝම්බය පුපුරවාගෙන ඇත. එම අනතුරෙන් පසුව ඇෆ්ගනිස්ථානයේ පොලිස් මාධ්‍ය ප්‍රාකාශක බාසිර් මුජාහිද් මහතා ඒ.එෆ්.පී. පුවත් සේවයට පවසා ඇත්තේ එරට ආරක්ෂක නිලධාරීන් තමන්ගේ ජීවිත පූජාකරමින් ක්‍රීඩාංගණය තුළ සිටි නරඹන්නන් ආරක්ෂා කළ බවයි. එහිදී තුවාල ලැබූවන්ගෙන් දෙදෙනෙක් පොලිස් නිලධාරීන් බවද ඔහු පැවසීය.

අනතුර සිදුවූ විගස ගිලන් රථ කිහිපයක්ම එම ස්ථානයට පැමිණ තුවාල ලැබූවන් රෝහල් වෙත රැගෙන ගොස් තිබේ. පිපිරීම නිසා තරගයට තරමක බාධාවක් ඇතිවූ නමුත් පසුව තරගය අවසන් කෙරිණ. එහිදී බූස්ට් ඩිෆෙන්ඩර්ස් පිල ලකුණු 7 කින් ජයගත්තේය.ක්‍රීඩකයන් සහ නිලධාරීන් ඉතා ආරාක්ෂාකාරී තත්ත්වයක පසුවන බවද ඇෆ්ඝනිස්ථානු ක්‍රිකට් පාලක මණ්ඩලයේ ප්‍රකාශකයකු වන ෆරීද් හෝතක් මහතා ඒ.එෆ්.පී. පුවත් සේවයට පැවසීය.තලේබාන්වරුන් විසින් ඇෆ්ඝනිස්ථානය පාලනය කරන ලද 1996 – 2001 කාලසීමාවේදී එරට ක්‍රිකට් ක්‍රීඩාව තහනම් කර තිබිණ. එහෙත් මෑතකදී ඇෆ්ඝනිස්ථානය තුළ ක්‍රිකට් ක්‍රීඩාව ඉතාමත් ජනප්‍රියත්වයට පත්වූ අතර පසුගියදා ඔවන්ට ටෙස්ට් තත්ත්වයද පිරිනැමිණ.අගෝස්තු 29 වැනිදාත් ඇෆ්ඝනිස්ථානයේ සිදුවූ මරාගෙන මැරෙන බෝම්බ ප්‍රහාරයක් හේතුවෙන් පස්දෙනෙක් මියගියහ.

Afghan police officers stand guard at the site of a suicide attack in Kabul, Afghanistan September 13, 2017. REUTERS/Mohammad Ismail – RC1B57AD2BE0

more recommended stories