Ape Rata | අපේ රට | News Sri Lanka | Latest News Sri Lanka | Braking News Sri Lanka| Gossip Sri Lanka – අපක්ෂපාතී වාර්තාකරණයේ පෙරගමන්කරු

Latest News:

හම්බන්තොට තිදෙනකු විසින් සමූහ දුෂණයට ලක්කල දැරිය මිය යයි..!

පසුගියදා හම්බන්තොට වීරවිල ප්‍රදේශයේදී තරුණයින් තිදෙනෙකු විසින් සමූහ දූෂණයට ලක් කරන ලද 14 හැවිරිදි පාසල් දැරිය රෝහලේ දැඩි සත්කාර ඒකකයට ඇතුළු කර සිටියදී ඊයේ දිනයේ මිය ගොස් ඇත.

තම පෙම්වතා හා ඔහුගේ මිතුරන් දෙදෙනෙකු විසින් තමන් දුෂණය කලේ යයි ලිපියක් ගියා තබා නිවස පිටුපස ගසක ගෙල වැලලාගෙන මිය යාමට උත්සාහ දරද්දී නිවැසියන් විසින් ඇය බේරාගෙන රෝහල් ගත කර තිබින.

මේ වන විටත් අදාල තරුණයින් තිදෙනා පොලිසීය විසින් අත්අඩංගුවට ගෙන රක්‍ෂිත බන්ධනාගාර ගත කර සිටී.

වයස අවුරුදු 14ක පාසල් සිසුවියක් සමූහ දූෂණයට ලක්වූ සංවෙදී පුවතක් තිස්සමහාරාම, ගෝනගමුව ප්‍රදේශයෙන් වාර්තා වෙනවා. අදාල සමූහ දූෂණය සම්බන්ධයෙන් චෝදනා එල්ලවන්නේ ඇගේ 23 හැවිරිදි පෙම්වතාට සහ ඔහුගේ මිතුරන් දෙදෙනෙකුටයි. පසුගිය 9 වැනිදා රාත්‍රියේ දැරිය සමූහ දූෂණයට ලක්වන්නට ඇති බවයි  පොලිසිය සැකකරන්නේ. ඔවුන් සැක පලකරන්නේ අදාළ තරුණයින් දැරියගේ නිවස ආසන්න ස්ථානයක මත්පැන් පානය කර, ඉන් පසුව දැරිය දූෂණයට ලක් කරන්නට ඇති බවටයි.

දැරිය දූෂණය වූ දිනට පසු දින ඇය සියදිවි නසා ගැනීමට උත්සාහ දරා තිබෙනවා. ඒ ඇය පදිංචි නිවස පිටුපස පිහිටි කොහොඹ ගසක ගෙළ වැළාගෙනයි. කෙසේ වෙතත් ඇයගේ සොහොයුරා විසින් සිදුවීම දැක  ඇයව මුදාගෙන හම්බන්තොට මහරෝහලට ඇතුළත් කර තිබෙනවා.

සිය දිවි හානි කර ගැනීමට ප්‍රථම දැරිය විසින් ලියූ ලිපියක් ද හමුවී ඇති අතර, තරුණයන් තුන්දෙනා සම්බන්ධයෙන් කරුණු සඳහන් කර ඇති බවයි පොලීසිය සඳහන් කළේ.  පසුව මෙම තරුණයන් තුන්දෙනා යාල රක්ෂිත ප්‍රදේශයේ සැඟව සිටියදී ප්‍රදේශවාසීන් විසින් 11 වනදා අලුයම අල්ලා ගෙන පොලිසියට භාර දී තිබෙන අතර , ඔවුන් තිදෙනාට ප්‍රදේශවාසීන් විසින් පහර දී තිබෙන බවද සදහන්.

ප්‍රදේශවාසීන්ගේ පහරකෑමට ලක්වූ මෙම තරුණයින් තිදෙනා බන්ධනාගාර නිලධාරීන්ගේ ආරක්ෂාව යටතේ දෙබරවැව මූලික රෝහලේ ප්‍රතිකාර ලබන බව වාර්තා වේ. සැකකාර පෙම්වතා 23 හැවිරිදි වියේ පසුවන අතර අනෙක් තරුණයන් 18 හැවිරිදි සහ 20 හැවිරිදි වියේ පසුවනවා.  මෙලෙසින් සමූහ දූෂණයට ලක්වූ  දැරිය මේවන විට හම්බන්තොට මහරෝහලේ දැඩි සත්කාර ඒකකයේ ප්‍රතිකාර ලබනවා.

සියදිවි හානිකර ගැනීමට ප්‍රථම දැරිය විසින් ලියූ ලිපියහි මෙලෙස සඳහන් වේ.

“මම හිටියේ හොඳින් ඉගෙනගෙන ඉස්කෝලේ ශිෂ්‍ය නායිකාවක් වන්න. මට ඒ හීනේ නැතිවුණා. මම මගේ පවුලේ ඔක්කොටොමත් මගේ නෑදෑයින්ටත් ආදරෙයි. මම හිච්චා එක්ක යාළුවෙලා හිටියේ. ඌ මට බොරුවක් කළේ. ඌ තමයි අරුන් දෙන්නට කියලා මාව විනාශ කළේ. මට ගොඩක් දුකයි. මට මගේ පවුලේ අයට ලැජ්ජා කරලා ජීවත්වෙන්න බෑ..”