වසර තුනක් භාවිත කළ හැකි සනීපාරක්ෂක තුවායක් මෙන්න..!

අවුරුදු තුනක් භාවිතයට ගත හැකි සනීපාරක්ෂක තුවායක් ඔස්ට්‍රේලියානු වෙළෙඳ පොළට හඳුන්වාදෙන්නට මාර්කන් ස්ටීව් හා ඔහුගේ බිරිඳ වන ජෙනී සමත්ව තිබෙනවා. පරිසර හිතකාමී අයුරින් නිෂ්පාදිත මෙම සනීපාරක්ෂක තුවා වර්ගය (Hannahpad) 100% ක්ම කපු පුළුන් යොදා සිදුකරන නිෂ්පාදනයක් ලෙස සඳහන්. මෙම සනීපාරක්ෂක තුවා වර්ගය පාවිච්චියෙන් පසු හොඳින් සෝදා වියළා ගැනීමෙන් නැවත නැවත වසර තුනකටත් අධික කාලයක් භාවිතයට ගත හැකි බවයි නිෂ්පාදකයන් සඳහන් කරන්නේ.
ස්ටීවන් හා ඔහුගේ බිරිඳ විසින් සිදුකරනු ලැබූ සමීක්ෂණයකදී වෙළෙඳ පොළේ අලෙවි වන සනීපාරක්ෂක තුවා හා ටැම්පොන් භාවිතයෙන් කාන්තාවන් විවිධ බැක්ටීරියා ආසාදනයන්ට ලක්වන බව සොයා ගත් නිසාත් ගුවන් සේවකයෙකු ලෙස ගත කළ දිවියට සමුදී රසායනවලින් තොර ජීවිතයක් ගත කිරීමට ගත් තීරණය නිසාත් මෙම නව නිෂ්පාදනය හඳුන්වාදීමට කටයුතු යෙදූ බව ඔවුහු සඳහන් කරති. මෙම සනීපාරක්ෂක තුවා අන්තර්ජාලය ඔස්සේ ඩොලර් 14.99 සිට 35 දක්වා වන මිල ගණන් යටතේ අලෙවි වන බවයි වාර්තා වන්නේ.

more recommended stories