• Thu. Feb 2nd, 2023

මහින්ද අගමැති කිරීමේ අවසන් ඉල්ලීමත් ප්‍රතික්ෂේපිතයි.

mr & ms

 

ඉදිරි පාර්ලිමේන්තු මැතිවරණයේදී අගමැති අපේක්ෂකයා වශයෙන් හිටපු ජනාධිපති මහින්ද රාජපක්ෂ මහතා ඉදිරිපත් කරන ලෙසට එක්සත් ජනතා නිදහස් සන්ධානය නියෝජනය කරන නියෝජිතයන් යළිත් ජනපතිගෙන් ඉල්ලා සිටියත් ජනාධිපති මෛත්‍රීපාල සිරිසේන මහතා විසින් එම යෝජනාව යළිත් වතාවක් ප්‍රතික්‍ෂේප කර ඇතැයි වාර්තාවේ.

ඉදිරි මැතිවරණයේදී එක්සත් ජනතා නිදහස් සන්ධානයේ මැතිවරණ යාන්ත්‍රණය සිදුකළ යුතු ආකාරය පිළිබඳව සහ හිටපු ජනාධිපති මහින්ද රාජපක්ෂ මහතා ඉදිරි මැතිවරණයේදී මැදිහත් කර ගන්නා ආකාරය පිළිබඳව එක්සත් ජනතා නිදහස් සන්ධානය නියෝජනය කරන පක්ෂ 14 ක නියෝජිතයන් ජනාධිපති මෛත්‍රීපාල සිරිසේන මහතා අතර පැවැති සාකච්ඡාවකදී මෙම ඉල්ලීම සිදුකෙරිණි.

 

එහිදී හිටපු ජනාධිපති මහින්ද රාජපක්ෂ මහතා අගමැති අපේක්ෂකයා බවට පත් කරන ලෙසට පක්ෂ කිහිපයක නියෝජිතයෝ එහිදී ජනාධිපතිවරයාගෙන් ඉල්ලීමක් කළහ.එම ඉල්ලීම ජනාධිපති මෛත්‍රීපාල සිරිසේන මහතා තරයේ ප්‍රතික්‍ෂේප කර තිබේ.එහිදී තවත් යෝජනාවක් ලෙස අගමැති අපේක්ෂකයා ලෙස කථානායක චමල් රාජපක්ෂ මහතාගේ නම ඉදිරිපත් කරන ලෙසද ඉල්ලා තිබේ.එම ඉල්ලීමට ජනාධිපති මෛත්‍රීපාල සිරිසේන මහතා කිසිවක් නොකියා ඇති අතර, සිනහවකින් වෙනත් ප්‍රශ්නයක් සාකච්ඡාවට ගෙන තිබේ.

Leave a Reply

Your email address will not be published. Required fields are marked *