• Thu. Feb 2nd, 2023

MH370 සුන්බුන් ගැන මහාචාර්ය චරිතගේ තොරතුරු සැසඳේ.

charitha mh370

MH370 යානයේ සුන්බුන් ගමන් කරන දිශා දක්වමින් මීට වසරකට පෙර තමා ඉදිරිපත් කළ සාගර විද්‍යා සිතියම  යානා කොටසක් හමුවූ රීයූනියන් දූපත දක්වා විහිදෙන බව බටහිර ඔස්ට්‍රේලියා විශ්වවිද්‍යාලයේ සාගර විද්‍යාව පිළිබඳ මහාචාර්ය චරිත පට්ටිආරච්චි මහතා මාධ්‍ය වෙත අනාවරණය කොට තිබෙනවා.444(1)

යානය අනතුරට පත්වූ කාලයේ සිටම යානය සෙවීම සඳහා සාගර විද්‍යා තොරතුරු සැපයූ ලෝක ප්‍රකට විද්වතෙකු වූ මහාචාර්ය චරිත පට්ටිආරච්චි මහතාගේ මෙම සිතියම පිළිබඳව මේ වනවිටත් ජාත්‍යන්තර මාධ්‍යයේ විශේෂ අවධානයක් යොමුව තිබේ.

“පසුගියදා හමුවූ MH370 යානයේ තටුවකට අදාළ කොටසක් බවට විශ්වාස කෙරෙන කොටස මා යානයේ සුන්බුන් විසිරෙන ආකාරය දක්වමින් ඇඳි සිතියමේ ගමන්මග හා සැසඳෙනවා. ඒ ඒ කාලසීමාවේදී සුන්බුන් ගමන් කරන දුර හා පැතිරෙන ප්‍රදේශ එම සිතියමෙන් විස්තර කෙරුණා. ඒ අනුව, මාස 18කට ආසන්න කාලයේදී රීයූනියන් දූපත වෙත සුන්බුන් පැමිණීම මා එම සිතියම මගින් නිවැරදිව දක්වා තිබුණා.” යැයි මහාචාර්ය චරිත පට්ටිආරච්චි මහතා වැඩිදුරටත් පැවසීය.

2 1මෙම යානා කොටස පිළිබඳව තවදුරටත් විමර්ශනය සඳහා එය ප්‍රංශය වෙත රැගෙන ගොස් තිබුණු අතර, ගුවන්යානා විශේෂඥයන්ගෙන් අදහසට අනුව මෙය බෝයිං 777 යානයේ කොටසක්ම බව මේ වනවිට තහවුරු වෙමින් පවතී.dd

ඒ අනුව, 2014 මාර්තුවේදී පුද්ගලයන් 239 දෙනෙකු සමග අතුරුදන් වූ මැලේසියානු ගුවන් සේවයට අයත් MH370 ගුවන් යානය පිළිබඳව මෙතෙක් පැවති අභිරහසේ තොරතුරු කෙමෙන් ලෝකයට විවෘත වෙමින් පවතින බව විදෙස් මාධ්‍ය වාර්තා කරයි.

මැලේසියාවේ ක්වලලම්පූර් නුවර සිට චීනයේ බීජිං දක්වා ගමන් කරමින් තිබියදී යානය අනතුරට පත්ව තිබූ අතර, මෙම ගුවන් යානා අනතුර පිළිබඳ තොරතුරක් සොයා ගැනීම වෙනුවෙන් ලෝකයේ එදාමෙදා තුර සිදුකළ දැවැන්තම සෝදිසි මෙහෙයුම රාජ්‍යයන් රැසකගේ දායකත්වයෙන් සිදුකෙරුණි.

3(1177)

(අද)

Leave a Reply

Your email address will not be published. Required fields are marked *