• Tue. Feb 7th, 2023

මානව හිමිකම් යෝජනාව නිසා ජයලලිතාට රිදිලා

jayalalitha

ලංකාවේ යුද්ධයේ අවසන් අදියරේදී සිදු වූවා යැයි කියන යුද අපරාධ හා මානව හිමිකම් කඩවීම් සම්බන්ධයෙන් වන ශ්‍රී ලංකාවේ දේශීය යාන්ත‍්‍රණයට සහාය දක්වමින් ඇමෙරිකාව ප‍්‍රමුඛත්වයෙන් ජිනීවා මානව හිමිකම් කවුන්සිලයේදී සම්මත කළ යෝජනාවට එරෙහිව ඉන්දීය මධ්‍යම රජය කිසිවක් නොකිරීම සම්බන්ධයෙන් තමන් දැඩි කණස්සල්ලට පත්ව ඇතැයි තමිල්නාඩුවේ මහ ඇමතිනී ජයලලිතා ජෙයරාම් හා එහි හිටපු ඇමැති එම්.කරුණනිධි ප‍්‍රකාශ කර ඇති බව ඉන්දීය පි.ටී.අයි පුවත්සේවය වාර්තා කරයි.

ජාත්‍යන්තරයේ සහයෝගයෙන් හෝ වේවා මොන යම් පරීක්ෂණ පැවැත්වුවත් දෙමළ ජනතාවට සිදුවුණ අවමානයන් හි අඩුවක් නැතැයිද,සම්මත කළ යෝජනාව වත්මන් ශ්‍රී ලංකා රජයේ උවමනාව මත සම්මත කළ එකක් මිස එරටේ දෙමළ ජනතාවගේ අයිතිය තහවුරු කිරීම වෙනුවෙන් ක‍්‍රියාත්මක නොවු එකක් බවද තමිල්නාඩුවේ මහ ඇමතිනිය සහ හිටපු මහ ඇමැතිවරයා පෙන්වා දේ.
එක්සත් ජාතීන්ගේ සංවිධානය විසින් ශ්‍රී ලංකාවට එරෙහිව ජාත්‍යන්තර පරීක්ෂණයක් පැවැත්විය යුතුයි යන්න බල කරමින් ලංකාවේ දෙමළ වැසියන් බහුතරයක් ජීවත් වන උතුරු පළාත් සභාව විසින් හා තමිල්නාඩු ප‍්‍රාන්ත රජය ඉකුත්දා සම්මත කර ගනු ලැබු යෝජනාවන් බැහැර කරමින් ජිනීවා මානව හිමිකම් කවුන්සිලයෙන් සම්මත කර ගත් ශ්‍රී ලංකාව පිළිබඳ යෝජනාවෙන් හිරිහැර විඳි දෙමළ ජනයාට යුක්තිය ඉටුවී නැතැයි ද ඔවුන් පෙන්වා දේ.

 

(ලංකාදීපය)

Leave a Reply

Your email address will not be published. Required fields are marked *