• Thu. Feb 2nd, 2023

ඉන්දියානු මෝටර් රථ මිල පහළට..!

BySandun

May 30, 2016

 

පසුගිය දා සිදුකරන ලද නවතම මෝටර් රථ තීරු බදු ගාස්තු සංශෝධනයට අනුව 800cc හා 1,000cc වාහනවල ඒකක බදු පහළ යාම නිසා ඉන්දියාවෙන් ආනයනය කරනු ලබන කුඩා මෝටර් රථ වර්ගවල මිල ගණන් පහළ යනු ඇතැයි ඉන්දියානු මාධ්‍ය වාර්තා සඳහන් කරනු ලබයි.

Business Standard වාර්තාවකට අනුව මේ සම්බන්ධයෙන් නිකුත් කරන ලද නව ගැසට් නිවේදනයෙහි සඳහන් පරිදි 800cc හා 1,000cc මෝටර් රථවල පහළ ඒකක බද්දකට යටත් වීම නිසා එම කාණ්ඩයේ බහුතර මෝටර් රථ ප්‍රමාණයක් ඉන්දියාවෙන් ආනයනය කරනු ලබන බැවින් Maruti Wagon-R වැනි මෝටර් රථ මිලෙහි පහළ යාමක් බලාපොරොත්තු වේ. වාහන ආනයනකරුවන් සඳහන් කරන පරිදි එම කාණ්ඩයේ වාහන බදු රු. මිලියන 1.5-1.6 සීමාවේ සිට රු. මිලියන 1.35 දක්වා අඩු වී තිබේ.

කෙසේ වෙතත් ත්‍රී රෝද රථ ඒකක බදු ඉහළ දැමීම හේතුවෙන් ඒවායේ මිල ගණන් විශාල වශයෙන් ඉහළ යාමක් බලාපොරොත්තු වන බව එම වාර්තා වැඩිදුරටත් කියා සිටී.

Leave a Reply

Your email address will not be published. Required fields are marked *