• Mon. Feb 6th, 2023

පේරාදෙණිය සරසවිය රොබෝ තාක්ෂණය ගැඹුරටම ගෙනයයි

BySandun

Sep 25, 2016

ශ්‍රී ලංකා රොබෝ තාක්‍ෂණයේ නව පිටුවක් සනිටුහන් කරමින් දිය යට ක‍්‍රියාකරන සුවිශේෂී ස්වයංක‍්‍රීය රොබෝ යානයක් නිපදවීමට පේරාදෙණිය විශ්ව විද්‍යාලයේ ඉංජිනේරු අංශයේ සිසුහු තිදෙනෙක් සමත්වී සිටිති.
මෙම රොබෝ යානයේ ජෛව පද්ධතිය, පාලක පද්ධතිය මෙන්ම බාහිර ආකෘතිය ඇතුළු සියලූම තාක්‍ෂණික දෑ මෙම සිසුන් විසින්ම නිෂ්පාදනය කිරීම විශේෂත්වයකි.
විද්‍යුත් හා විදුලි ඉංජිනේරු අංශයේ උමේෂ් රණතුංග, සන්චිත හපුතන්ත‍්‍රී සහ කසුන් සිරිවර්ධන යන සිසුහු මෙය නිර්මාණය කළහ. මේ නිර්මාණය සඳහා විද්‍යුත් හා විදුලි ඉංජිනේරු අංශයේ ජ්‍යෙෂ්ඨ කථිකාචාර්ය පරාක‍්‍රම ඒකනායක, ආචාර්ය රොෂාන් ගොඩලියැද්ද, ආචාර්ය ලිලන්ත සමරනායක සහ සිවිල් ඉංජිනේරු අංශයේ මහාචාර්ය ජනක විජේතුංග යන මහත්වරු මඟ පෙන්වූහ.

dr_ekanayaka‘රොබෝ තාක්‍ෂණය කියන්නේ පාසල් සිසුවාගේ සිට සුවිසල් පර්යේෂණ ආයතනවල අධි තාක්‍ෂණ නිර්මාණ දක්වා විහිදී යන පුළුල් ක්ෂේත‍්‍රයක්. එමෙන්ම එයට භාවිත වන තාක්‍ෂණය, රොබෝවා ක‍්‍රියාකරන්නේ ගොඩබිමක ද, ගුවනේ ද, ජලයේද යන්න අනුව බොහෝ සෙයින් තාක්‍ෂණය වෙනස් වෙනවා. රොබෝ යන්ත‍්‍රය හා සම්බන්ධති සංවේදක හා යාමන පද්ධති අනුවද තාක්‍ෂණය වෙනස් වෙනවා.

දියයට කිමිදෙන රොබෝවන් නිර්මාණය කිරීම තාක්‍ෂණික වශයෙන් අභියෝගාත්මක ක‍්‍රියාවලියක්. ඒ නිසා දිය යට කිමිදෙන බොහෝ රොබෝවන් නිර්මාණය වන්නේ රොකට්ටුවක් හෝ සබ්මැරීනයක් මෙන් දිගැටි හැඩයකින්. ඒවාට දිය යට අහස් යානයක් ලෙස ගමන් කළ හැකිවුවද හෙලිකොප්ටරයක් මෙන් එකවර කිමිදී අවශ්‍ය තැනක අවශ්‍ය තැන නැවතී සිය කාර්යය සිදුකිරීම දුෂ්කරයි. අප නිර්මාණය කළ රොබෝ යානයේ විශේෂත්වය වන්නේ දිය යට දී හෙලිකොප්ටරයක් මෙන් ඕනෑම අතකට ගමන් කළ හැකිවීමත් සෘජුව දියේ ගිලීමට අවැසි ගැඹුරක නැවැතී සිටීමටත් හැකිවීමයි. මෙහි ඇති සුවිශේෂී තාක්‍ෂණික උපක‍්‍රම මගින් රොබෝවාගේ සුනම්‍ය චලිතයට සහ ක‍්‍රියාකාකාරීත්වයට පහසුව සලසයි.

image003zඑබැවින් මෙම රොබෝ යානය භාවිතයෙන් එක ඉලක්කයක් දෙස බලා නිරීක්‍ෂණ කටයුතු කිරීම හෝ නෞකාවල දිය යට සිදුකෙරෙන නඩත්තු කටයුතු කිරීමට භාවිත කළ හැකිය. තවද මෙහි භාවිත වන තාක්‍ෂණය ගැඹුරු දියේදී සිදුකෙරන ක‍්‍රියවලි සඳහාද යොග්‍ය වන අතර ඒ සඳහා කළ යුත එකම වෙනස වන්නේ අධි පීඩනයට ඔරොත්තු දෙන අමුද්‍රව්‍යවලින් රොබෝ යානය නිපදවීමයි.
‘මෙම රොබෝ යානය බොහෝ ප‍්‍රායෝගික කටුයතුවලට මෙන්ම විද්‍යාත්මක පර්යේෂණ සඳහාද භාවිත කළ හැකිය. උදාහරණ ලෙස ගවේෂණ කටයුතු, ස්වාභාවික විපත් හා අනතුරුවලදී ගලවාගැනීමේ මෙහෙයුම් සඳහා තොරතුරු රැස්කිරීමට සහ විශාල යන්ත‍්‍රවල නඩත්තු කටයුතු සඳහා සහාය සේවා සැපයීම වැනි ක‍්‍රියාවලි සඳහා යොදාගැනීමට හැකිවෙනවා’යැයි ආචාර්ය පරාක‍්‍රම ඒකනායක මහතා පැවැසීය.



image002
image001

Leave a Reply

Your email address will not be published. Required fields are marked *