• Mon. Feb 6th, 2023

උදිත ලොකු බණ්ඩාර මහින්දගේ නම විකුණා කෝටි ගාණක් තනියම කාලා මාට්ටු..!

BySandun

Mar 23, 2018

හිටපු ජනාධිපති වත්මන් කුරුණෑගල පාර්ලිමේන්තු මන්ත්‍රී මහින්ද රාජපක්ෂගේ පෞද්ගලික ලේකම් උදිත ලොකුබණ්ඩාර නමැත්තා මහින්ද රාජපක්ෂගේ නම විකුණමින් මහින්ද රාජපක්ෂට සතයක් හෝ ලබා නොදී විවිධ පුද්ගලයන්ගෙන් විවිධ අවස්ථාවලදී රුපියල් කෝටි ගණනක මුදල් අල්ලස් ලෙස ලබා ගෙන ඇතැයි හෙළිදරව් වීම නිසා ඔහුව මහින්ද රාජපක්ෂගේ පෞද්ගලික ලේකම් ධූරයෙන් ඉවත් කිරීමට තීරණය කර තිබේ.

උදිත ලොකු බණ්ඩාර මහින්ද සමග හමුවීමක් යොදා ගැනීම සඳහා පවා ව්‍යාපාරිකයන්ගෙන් මුදල් ලබාගෙන තිබේ.

මේ නිසා උදිතව මහින්දගේ පෞද්ගලික ලේකම් ධූරයෙන් ඉවත් කර හපුතලේ පොහොට්ටුවේ ආසන සංවිධායක ලෙස පත් කර මහින්දගේ ආසන්නයෙන් ඉවත් කර ඇත.

පසුගිය මැතිවරණ සමයේ මහත් ආන්දෝලනයකට ලක් වූ මධූෂා රාමසිංහ නමැති නිළියට පොහොට්ටු පක්ෂයෙන් නාම යෝජනා ලබා දීම සඳහා ඇයගෙන් ලිංගික අල්ලස් ඉල්ලුවා යැයි නම සඳහන් වූයේ ද උදිත ලොකු බණ්ඩාරගේ නම ය.

මහින්ද රාජපක්ෂ යනු තමන්ව විකුණා යමෙක් මුදලක් ලබා ගත්තද ඉන් කොටසක් තමන්ටත් ලැබෙනවා නම් ඒ ගැන ගැටළුවක් ඇති කර නොගන්නා ජාතියේ චරිතයකි. සජින් වාස් ගුණවර්ධන දිගු කාලයක් මහින්ද රාජපක්ෂගේ සමීපතමයෙකු ලෙස කටයුතු කෙළේ ඒ ධර්මතාවය අනුදැන සිටි නිසාය. මහින්දගේ හිටපු පෞද්ගලික ලේකම්වරයෙකු වූ චමල්ගේ පුත් ශෂීන්ද්‍ර රාජපක්ෂ මෙන් උදිත ලොකු බණ්ඩාර ද තනියම කෑමට ගොස් වැඩේ අනාගෙන තිබේ. ශෂීන්ද්‍ර ද මහින්දගේ පුද්ගලික ලේකම් ධූරය දරා ඊට කෙළවා ගත්තේ තනියම කෑමට යෑමෙන් සහ නිසි ලෙස මහින්දට කුට්ටිය බෙදමින් සිටි සජින් වාස්ට කැපිල්ල දැමීමට යෑමෙන් අනතුරුව ය.

මහින්ද ඈත් කිරීමත් සමග උදිත, ගෝඨාභය රාජපක්ෂ වෙත කිට්ටු වී ඇතැයිද දැන ගන්නට තිබේ. මෙහි දැක්වෙන සේයාරුව ඊට සාක්ෂි සපයයි.

(ලංකා ඊ නිව්ස්)

Leave a Reply

Your email address will not be published. Required fields are marked *