බිංගිරිය ප්‍රදේශයේ ඇඟලුම් කර්මාන්තශාලාවකට ඇතුළු වීමට යාමේදී ඇති වූ කලහකාරී සිදුවීම සම්බන්ධයෙන් ජාතික ජන බලවේග පාර්ලිමේන්තු මන්ත්රීවරුන් දෙදෙනා අදහස් පළ කරයි.
එම සිදුවීමට මුහුණ දුන් විජේසිරි බස්නායක මහතා සඳහන් කරන්නේ මෙසේය.
‘අපි උදේ ගියා ගාමන්ට් එකකට. බිංගිරිය මන්ත්‍රීතුමා විදියට එතන වෙන සංවර්ධන වැඩ ගණනාවක් තියෙනවා. ඒගොල්ලෝ එක සාකච්ඡා කරන්න ගිහිල්ල එනකොට ඉස්සරහ පිරිසක් ඇවිද අමුතු තත්ත්වයක් නිර්මාණය වෙලා තිබ්බා’
ජාතික ජන බලවේග පාර්ලිමේන්තු මන්ත්රී අජිත් ගිහාන් මහතා මෙසේ පැවසුවේ මෙසේය.
‘ගාමන්ට් එකේ ට්රාන්ස්පෝට් එකෙන් වෑන් තියෙන කට්ටියව එළියට දාලා තියෙනවා. අසාධාරණයක් නොවන විදිහට සාධාරණව ට්රාන්ස්පෝට් එක කරන්න ඕනෑ කියලා මේ ප්‍රදේශයේ ජනතාව රියදුරු මහත්වරුන් කියනවා’
ඒ සදහා ටෙන්ඩර් කැදවීමට පාලනාධිකාරිය එකඟ වූ බවද පැවසූ ඔහු එම සාකච්ඡා අවසන් කර එළියට එද්දී පිරිසක් විරෝධතා දැක්වූ බවද කියා සිටියේය.
ඒ සම්බන්ධයෙන් පැමිණිලි කර ඇති බවත් මන්ත්‍රීවරයා තවදුරටත් සඳහන් කළේය.
මාලිමා මන්ත‍්‍රීට පාර වසා විරෝධතා..!
කුරුණෑගල බිංගිරිය ප්‍රදේශයේ පිහිටි ‘බෙන්ජි’ ඇඟලුම් කර්මාන්ත ශාලාවේ සේවක සේවිකාවන් ප්‍රවාහනය සම්බන්ධයෙන් අද පෙරවරුවේ මතභේදාත්මක තත්ත්වයක් ඇති විය.
ඒ ජාතික ජන බලවේග මන්ත්රීවරුන් දෙදෙනකු පැමිණ එහි ප්රවාහන පහසුකම් වෙනස් කිරීම සම්බන්ධයෙන් එහි පාලනාධිකාරියට බලපෑම් කළ බව කියමිනි.
එම ස්ථානයට පැමිණි මන්ත්රීවරුන් දෙදෙනෙකුගේ මඟ හරස් කර ගත් පිරිසක් විසින් කියා සිටියේ තමන්ද පසුගිය මැතිවරණයේදී ජාතික ජන බලවේගයට ඡන්දය භාවිතා කල පුද්ගලයන් බවයි.
නමුත් පෞද්ගලික ආයතනයකට ප්රවාහන පහසුකම් සැපයීම සම්බන්ධයෙන් මේ ආකාරයේ බලපෑම් කිරීම සුදුසු නොවන බවද ඔවුන් කියා සිටියහ.
ආයතනයේ ප්රවාහන පහසුකම් සැපයීම අවිධිමත් යයි පැමිණිළි ලැබී ඇති බැවින් ඒ සඳහා සොයා බැලීමට පැමිණි බව මන්ත්රීවරුන් පැවසූ බව දැනට එහි ප්රවාහන පහසුකම් සපයන පිරිස පැවසූහ.
නමුත් එහි ප්රවාහන පහසුකම් සපයන පිරිස් පවසන්නේ මන්ත්රීවරුන් පැමිණ එහි ප්රවාහන පහසුකම් සැපයීම ඔවුනට ලබාදෙන ලෙස ආයතනයට බලපෑම් කර ඇති බවය.