විද්‍යා ප්‍රබන්ධ චිත්‍රපටයක දර්ශනයක් මෙන්, ඇමරිකා එක්සත් ජනපද තාක්ෂණ සමාගමක් මානව-සමාන හැඩයක් ලබාදෙමින් සහකාරියක ලෙස ක්‍රියා කළ හැකි AI රොබෝවරියක එළි දක්වා ඇත.
Realbotix විසින් සංවර්ධනය කරන ලද ‘ආරියා’ නම් මෙම රොබෝවරිය මෙම සතියේ මුල් භාගයේදී ලාස් වේගාස් හි 2025 පාරිභෝගික ඉලෙක්ට්‍රොනික ප්‍රදර්ශනයේදී එළිදැක්වූ අතර රුපියල් කෝටි 5 (ඇමරිකානු ඩොලර් 175,000) මුදලකට මිලදී ගත හැකිය.
රොබෝවරිය සංවර්ධනය කිරීමේ අරමුණ ගැන විමසූ විට, Realbotix හි ප්‍රධාන විධායක නිලධාරී ඇන්ඩෲ කිගුවෙල් පැවසුවේ ඔහුගේ සමාගම “මිනිසුන්ගෙන් වෙන්කර හඳුනාගත නොහැකි” රොබෝවරුන් නිර්මාණය කිරීමට බලාපොරොත්තු වන බවත්, පිරිමි තනිකම පිළිබඳ ප්‍රශ්නයට ද විසඳුමක් සැපයීමට හැකි බවත්ය.
“අපි මෙය වෙනත් කිසිවෙකු නොකරන මට්ටමකට ගෙන යනවා,” කිගුවෙල් Forbes වෙත පැවසීය. “එය රොමැන්තික සහකරුවෙකු වගේ විය හැකියි. එය ඔබව මතක තබා ගනී. එය පෙම්වතෙකු හෝ පෙම්වතියක ලෙස කටයුතු කළ හැකියි. ඔබ ‘Her’ චිත්‍රපටය දැක තිබේ නම්, ඒක ටිකක් ඒ වගේ. අපි එය කිරීමට උත්සාහ කරනවා.”
“පෙනුම අතින් ලෝකයේ වඩාත්ම යථාර්ථවාදී රොබෝවරුන් සිටින්නේ අප ළඟ යැයි අපි සිතනවා,” ඔහු පැවසීය.
රොබෝවරයෙකු සංවර්ධනය කිරීමේදී ඇවිදීම සහ මුහුණේ ප්‍රකාශන යන කරුණු දෙක ප්‍රධාන වන බව කිගුවෙල් මහතා පෙන්වා දුන්නේය.
ආරියා සහ ඇගේ මුහුණේ ප්‍රකාශන දැක්වෙන වීඩියෝවක් සමාජ මාධ්‍යවල පැතිරගිය අතර, තාක්ෂණය පරිවර්තනය වී ඇති ආකාරය පිළිබඳව සිත්ගන්නාසුළු සිට දැඩි බිය දක්වා විවිධ ප්‍රතිචාර රැල්ලක් ඇති විය.
“මම මුලින් හිතුවේ ඒක ඇත්ත කියලා. ඒ වගේම ඇය කවුරුන් හෝ වගේ පෙනෙනවා, නමුත් මට හිතාගන්න බැහැ කවුද කියලා,” එක් පරිශීලකයෙක් පැවසූ අතර තවත් අයෙක් අදහස් එකතු කළේ: “මේක නම් පිස්සුවක්.” ලෙසිනි.
Hiru Gossip
admin