කොළඹ සරසවියේ ජීවමාන පැරණිම විද්‍යාර්ථිනිය ලෙස රංගවේදී අයිරාංගනී සේරසිංහ උපහාර ලබයි
කොළඹ විශ්වවිද්‍යාලය බිහි කළ (කොළඹ මණ්ඩපය) විද්‍යාර්ථින් අතර ජීවමානව සිටින පැරණිතම විද්‍යාර්ථනිය සම්මානනීය ප්‍රවීණ රංගවේදිනී අයිරාංගනී සේරසිංහ මහත්මිය වෙනුවෙන් උපහාර උළෙලක් පසුගිය 28 වැනිදා පැවැත්විණි.
97 වැනි වියෙහි පසුවන ඒ මහත්මිය වෙනුවෙන් පවත්වනු ලැබූ ‘අයිරාංගනී සේරසිංහ ගෞරව සම්මානිත බුහුමන’ ලෙස නම් කළ මෙම වැඩසටහන පිටකෝට්ටේ එපිටමුල්ල පාරේ පිහිටි ඇගේ නිවසේ
තීබීම විශේෂත්වයකි.
40 දශකයේදී කොළඹ සරසවියේ කිං ජෝර්ජ් ශාලාවෙන් ඇරඹි ඇගේ රංගන ජීවිතය තුළදී සුවිශේෂී කලා නිර්මාණ රාශියකට පණපෙවීමට සමත් වූවාය.
දශක ගණනාවක් පුරාවට ඇය විසින් ශ්‍රී ලංකාවේ කලා ක්ෂේත්‍රයට සිදු කරන ලද අප්‍රමාණ සේවය උදෙසා උපහාර පිදීමේ උළෙලට කොළඹ විශ්වවිද්‍යාලයේ උපකුලපති, ආදී විද්‍යාථීන්ගේ සංවිධානය සාමාජිකයන් හා කලා මණ්ඩලය, ශිෂ්‍ය අනුශාසක කාර්යාලය සහ විනය ආරක්ෂ කාර්යාලය එක්ව සංවිධානය කර තිබිණි.
මීට සමගාමීව ඇයගේ ප්‍රථම සිනමා නිර්මාණය වන “සංදේශය” මාර්තු මස 11 වැනි දින සවස 2.30ට නව කලාගාරයේදී ප්‍රදර්ශනය කිරීමට අපේක්‍ෂා කෙරේ.
(රන්දිලී පබසරා )
admin