Sat. Mar 2nd, 2024

සනත් නිශාන්තගේ බිරිද ජාතික ලයිස්තුවෙන් පාර්ලිමේන්තුවට.. ඉල්ලා අස්වෙන අයත් සූදානම්..

By admin Feb 3, 2024

කටුනායක අධිවේගී මාර්ගයේ දී සිදුවූ හදිසි රිය අනතුරකින් මියගිය රාජ්‍ය අමාත්‍ය සනත් නිශාන්ත මහතාගේ බිරිඳ වන චමරි ප්‍රියංකා පෙරේරා මහත්මිය ජාතික ලයිස්තුවෙන් පාර්ලිමේන්තුවට ගෙන ඒමට ශ්‍රී ලංකා පොදුජන පෙරමුණේ මන්ත්‍රී කණ්ඩායමක් සාකච්ඡා ආරම්භ කර ඇති බව සති අන්ත ජාතික පුවත්පතක් වාර්තා කරයි.

සනත් නිශාන්ත මහතා පුත්තලම දිස්ත්‍රික්කයට සිදු කරන ලද මෙහෙවර කඩාකප්පල් නොවී ඉදිරියට ගෙන යෑම සඳහා මේ පිළිබඳව සලකා බලමින් සිටින බවත් අදාළ යෝජනාවට පක්ෂයේ ජ්‍යෙෂ්ඨයන් පිරිසකගේ කැමැත්ත හිමි වී ඇති බවත් සඳහන්ය.

නාමල් රාජපක්ෂ මන්ත්‍රීවරයාගේ ප්‍රධානත්වයෙන් මෙම සාකච්ඡාව පවත්වා ඇත.

මෙම යෝජනාව පොදුජන පෙරමුණේ මධ්‍යම කාරක සභාවට ඉදිරිපත් කරන බවද එම පක්ෂයේ පාර්ලිමේන්තු මන්ත්‍රී ඩී වීරසිංහ මහතා සඳහන් කළේය.

පක්ෂයේ නායක මහින්ද රාජපක්‍ෂ හා පක්ෂයේ ජාතික සංවිධායක බැසිල් රාජපක්ෂ මහතාට ද මේ පිළිබඳව දැනුම් දීමට නියමිතව තිබේ.

ඇයට මන්ත්‍රී ධූරය ලබාදීම සඳහා පක්ෂයේ ජාතික ලයිස්තු මන්ත්‍රීවරු කිහිපදෙනෙක්ම ඉල්ලා අස්වීමට සූදානමින් ඇතැයි ද වාර්තාව කියා සිටියි.

By admin

Related Post

Leave a Reply

Your email address will not be published. Required fields are marked *